З.Ф. Нарзуллоев, Ҷ.Н. Алиев, И.Н. Ганиев

Аннотатсия: 

Дар ин мақола таъсири иловаҳои хурди никел (0.01–0.5 вазн.%) ба хосиятҳои зангзанӣ-электрохимиявии хӯлаҳои руҳию-алюминийи Zn5Al ва Zn55Al дар маҳлулҳои NaCl бо консентратсияи 0.03 ва 3.0 вазн.% омӯхта шудаанд. Тадқиқот дар шароити назоратшаванда барои арзёбии устувории хӯлаҳо дар муҳитҳое, ки коррозияи атмосферӣ ва баҳриро тақлид мекунанд, гузаронида шудаанд. Потенсиали коррозияи озод (Eз.озод) барои 60 дақиқа пас аз ғӯтонидани намунаҳо дар маҳлули NaCl ба қайд гирифта шуданд. Ҳамин муддати вақт барои устувор гардидани параметрҳои электрохимиявӣ ва ташаккулёбии пардаи оксидии ибтидоӣ дар сатҳ кифоягӣ менамояд. Нишон дода шудааст, ки дохил кардани никел пайваста потенсиали коррозияи озодро ба самти минтақаи мусбат, махсусан дар маҳлули NaCl-и обшуда, интиқол мекунад, ки аз афзоиши устувории термодинамикии хӯлаҳо шаҳодат медиҳад. Ин эҳтимолан аз сабаби тағирёбии сохтори қабати рӯисатҳӣ ва коҳишёбии фаъолнокии мавзеъҳои анодӣ вобастагӣ дошта бошад. Афзоиши консентратсияи ионҳои хлорид суръати коррозияро зиёд мекунад ва ба ҷойивазкунии потенсиал ба самти манфӣ оварда мерасонад, зеро ионҳои хлор пардаҳои муҳофизатиро фаъолона вайрон мекунанд ва равандҳои коррозияи маҳаллиро меангезанд. Маълумоти бадастовардашуда имконият медиҳанд, ки таркиби хӯлаҳоро барои истифода дар муҳитҳои гуногуни агрессивӣ беҳсозӣ намоем.

Калидвожаҳо: хӯлаҳои руҳию-алюминийгӣ, никел, потенсиали коррозияи озод, NaCl, поляризатсияи анодӣ, устуворӣ ба зангзанӣ.